«Есімізде» атты іс-шара

Саяси қуғын-сүргін құрбандарын еске алу күні қарсаңында Қостанай автомобиль көлігі колледжінде Жеңіс саябағында «Есімізде» атты іс-шара өтті. 1ОП-23,1ВМ-13,1ЭЛ-20 топ студенттері қатысты.
Қазақстан Республикасы Президентінің 1997 жылғы 5 сәуірдегі Жарлығына сәйкес 31 мамырда Қазақстанда Саяси қуғын-сүргін құрбандарын еске алу күні аталып өтіледі. Қазақстанда 1921-1954 жылдар аралығында 100 мыңдай адам сотталып, 20 мыңнан астам адам атылған. Ел тарихында сталиндік кезеңдегі жаппай қуғын-сүргін ерекше рөл атқарды. Қазақстан аумағында ГУЛАГ - АЛЖИР, Степлаг, Карлаг деп қысқартылған түрде лагерьлер мен тұтқындар бас басқармасы жүйесінің көптеген мекемелері болды. Қазақстанға кәрістер, немістер, түріктер, ирандықтар, қырым татарлары, поляктар, балқарлар және басқа да халықтар жер аударылды.
Бұл мигранттардың көпшілігі қазақ халқының көмегі мен қолдауының арқасында ғана қиын кезеңде аман қалды, соған байланысты Қазақстанда 1 наурызда атап өтілетін Алғыс айту күні бекітілді.
Студенттер қуғын-сүргінге ұшырап, жер аударылғандардың тағдыры туралы естеліктерімен бөлісті. Қазақстан халқы саяси қуғын-сүргінге ұшыраған миллиондаған отандастарын еске алады. Өткен ғасырдың ең бір қиын-қыстау кезеңдерінде жазықсыз құрбан болғандардың рухына тағзым ету – әрқайсымыздың парызымыз.